Զարմանալի թող չհնչի, բայց կան բլոգ-գրառումներ, որոնք «ի ծնե» դատապարտված են անհաջողության: Սա տխուր է, բայց փաստ է:
Դու ժամանակ ես ծախսում, գրում-ջնջնում և ի վերջո հրապարակում ես հերթական գրառումդ, սակայն հաջորդ օրվա ստատիստիկան ցույց է տալիս այցելուների ու էջադիտումների կտրուկ անկում: Դու հույսեր էիր փայփայում, թե գրառումդ «բում» կանի, բայց նույնիսկ մեկ հոգի չի ցանկանում մեկնաբանել:
Սկսում ես խորհել, թե ի՞նչն ես սխալ արել: Կարծես թե ընտրել էիր մի թեմա, որը պետք է մարդկանց հետաքրքրեր: Սակայն, արդյունքում ունենում ես զրոյական հետադարձ ռեակցիա:
Ծանոթ իրավիճակ է, չէ՞:
Ինքս, երբ զննում եմ նախորդ գրառումներս, գտնում եմ նման «չհաջողված թեմաներ» (միայն թե չփորձեք ապացուցել, թե ձեզ մոտ նույնը չէ): Ու, երբ առանձնացնում ու իրար կողքի եմ դնում այդ գրառումները, հասկանում եմ, որ դրանք ունեն բազմաթիվ նմանություններ: Ես ձեզ կներկայացնեմ իմ փորձը, իմ «թոփ-թենը»: Պետք է որ հետաքրքրի բոլորիդ:
Հերթական գրառումը որակազրկելու 10 ուղիները
- Որպես գրառման վերնագիր, ընտրում ես գլխումդ ծագած առաջինը իսկ միտքը:
- Գրում ես ոչ նպաստավոր պայմաններում կամ հապշտապ:
- Գրում ես՝ առանց նախապես իմանալու, թե ինչի մասին ես գրելու:
- «Խորանում ես» ոչ անհրաժեշտ մանրուքների վրա:
- Գրում ես միայն քո մասին կամ միայն քեզ գովաբանելով:
- Գրում ու հրապարակում ես՝ առանց նախապես խմբագրելու-սրբագրելու քո խոսքը:
- Գրում ես ու «քաշվում մի կողմի վրա»՝ հոդվածդ թողնելով բախտի քմահաճույքին:
- Մի թեմայի մասին գրում ես վերջինը, և ոչ թե առաջինը:
- Քո թեման նույնիսկ քեզ չի հետաքրքրում:
- Բարձրացնում ես մի հարց ու անավարտ թողնում խոսքդ կամ չես փորձում ստանալ հարցիդ պատասխանը քո ընթերցողներից:
Բոնուսային ամփոփում
Ովքեր դեռ չեն ընթերցել, խորհուրդ կտամ անպայման բացել ու կարդալ այս երեք հոդվածները:
- Ինչո՞ւ ես չեմ մտնում Ձեր բլոգը. 7 պատճառ
- 3 պատճառներ, որոնք սպանում են ձեր բլոգը
- Եթե ցանկանում եք, որ Ձեր գրառումն ընթերցեն
Աղբյուրը՝ e-armenians.com
Հեղինակի մասինՈղջույն, ես այս բլոգի հեղինակն եմ: Ուրախ կլինեմ, եթե դուք բաժանորդագրվեք բլոգի գրառումներին և ընթերցեք իմ էլ. գրքերը:
Մեր բլոգում Artur-ը գրել է 583 հոդված:
Եթե հավանեցիր այս հոդվածը, ապա միացիր մեր 309 ընթերցողներին և ստացիր անվճար էլ. ծանուցումներ
{ 7 մեկնաբանություն… դիտիր դրանք ներքևում կամ ավելացրու նորը }
Հոյակապ դիտարկումներ են, Արթուր ու շատ օգտակար ոչ միայն բլոգեռների, այլ տեքստի հետ գործ ունեցող բոլոր մարդկանց համար: Օրինակի համար, նորությունների կայքերում շատ հաճախ հանդիպում ես աչք ծակող վրիպումներ, ու հասկանում ես, որ վեցերորդ կետը չեն պահպանել, այսինքն գրել ու օնլայն են գցել առանց մի հատ ստուգելու:
Արթուր ջան իմ դեպքում էլ քո գրածները 100% ով բռնում են, բացի առաջին կետից՝ միշտ առաջին մտքովս անցած վերնագիրը ավելի հաջող է եղել, քան որ սկսել եմ երկար մտածել, վերլուծել ու հետո փոխել եմ:
Ուրեմն վերնագիրը մտքումդ արդեն եղել է
Ինքս վերնագիրը վերջում եմ գրում:
Սա շատ արդիական կետ է, քանի որ ընդունված է, որ մեկը մի բան անի կամ գրի, ու մնացածը կրկնեն նույն բանը:
Եղբայր, բայց ահագին անխնա դեմք ես: Չես ներում ոչ մի սխալ ու թերություն: Էդ աստիճանի քթի մա՞զ…
Կատակը-կատակ, բայց անձամբ ես քեզնից ահագին սովորելու բան ունեմ:
Որպես 5-րդ կետի լրացում, կավելացնեի՝ գրում ես քո մասին կամ գրում ես միայն քո համար: Ասել կուզեմ, որ գրում ես քեզ ու քեզ, ինքդ քո համար, բայց ներկայացնում բոլորին: Եթե շատ վառ ու խարիզմատիկ անհատականություն չես, ապա նման հոդվածները դժվար թե շատերին հետաքրքրեն:
Արթուր, թույլ տվեք մի փոքր չհամաձայնել Ձեզ հետ
, քանի, որ ես ամեն անգամ Ձեր գրառումներից օգտակար ու կիրառելի խորհուրդներ եմ վերցնում 