Բավականին ամիսներ առաջ Ֆեյսբուքը պաշտոնապես հայտարարեց, որ 2012-ի հունիսի 1-ից սկսած դադարեցնելու է FBML ծրագրային ապահովումը:
Ամիսներն արագ գլորվում են, ու օրերից մի օր կգա նաև մանուկների պաշտպանության օրը՝ հունիսի 1-ը: Ու մենք, ինչպես միշտ, հունիսի 1-ից մեկ-երկու օր առաջ իրար կխառնվենք՝ մեր ֆեյսբուքյան էջերը հարմարեցնելու այս փոփոխությանը:
Ես ցանկանում եմ խախտել այս սովորույթն ու 4 ամսից քիչ ժամանակ առաջ զգուշացնել այդ մասին, նաև պատրաստել ձեզ Ֆեյսբուքի կողմից FBML-ից հրաժարվելու իրողությանը: Ի վերջո, բոլորիդ մոտ էլ հարց կծագի՝ եթե FBML-ը կասեցվեց, ապա դրա փոխարեն ի՞նչ է նախաձեռնելու մեծն Ֆեյսբուքը:
Նախ, հիշեցնեմ, որ FBML-ն լայնորեն կիրառվում էր ֆեյսբուքյան էջերում, որպեսզի ստեղծվեն նոր tab-եր: Ոմանք հմտորեն օգտվում են նաև FBML-ի հիման վրա պատրաստված ֆեյսբուքյան մինի-ծրագրերից (FBML apps):
Ասեմ անմիջապես, Ֆեյսբուքը FBML-ը ոչ մի նոր հնարավորությամբ չի փոխարինելու, այլ… վերադառնալու է iframe-ներին:
Ասում են, որ iframe-ը թույլ կտա ստանալ ավելի կատարյալ ձևավորում: Սակայն, ըստ իս, ամենակարևոր պատճառը iframe-ի թեթևությունն է: Հասարակ օրինակ, որին ծանոթ եք բոլորդ. ձեր կայքում ֆեյսբուքյան iframe-ային կոճակն ավելի արագ է «բացվում» ու էջն այնչափ չի ծանրացնում, որքան FBML-ային լայքը:
Մի խոսքով: Ես տեղեկացրի: Հետո չասեք, թե՝ դուք քնած, ես թաքուն-թաքուն իմ ֆեյսբուքյան կոդերը փոխեցի: 
Աղբյուրը՝ e-armenians.com
Հեղինակի մասինՈղջույն, ես այս բլոգի հեղինակն եմ: Ուրախ կլինեմ, եթե դուք բաժանորդագրվեք բլոգի գրառումներին եւ ընթերցեք իմ էլ. գիրքը:
Մեր բլոգում Artur-ը գրել է 544 հոդված:
Եթե հավանեցիր այս հոդվածը, ապա միացիր մեր 235 ընթերցողներին և ստացիր անվճար էլ. ծանուցումներ
{ 2 մեկնաբանություն… դիտիր դրանք ներքևում կամ ավելացրու նորը }
Անկեղծ ասած Facebook-ն արդեն իսկ հոգնեցրել է իր փոփոխություններով
Բայց թե, իրականությունն այն է, որ մենք դեռ ստիպված ենք օգտվել այս ցանցից ու զգալ վերջինիս եւ լավ, եւ վատ կողմերը: