Ուզո՞ւմ եք դառնալ հանճարեղ, ուրեմն պարզեցրեք Ձեր կայքը

Համաձայն եք, չէ՞, որ ամեն ինչը բարդացնելը խելոք լինելու նշան չէ, այլ՝ հակառակը:

Դեմ չեք լինի, չէ՞, եթե պնդեմ, որ գրավիչ կայքը նաեւ պարզ կայքն է, որի էությունը եւ բովանդակությունը հասկանալի է առաջին իսկ ակնթարթից:

Հուսով եմ, կհամաձայնվեք նաեւ այն մտքի հետ, որ մենք որեւէ կայքէջ բացելիս ցանկանում ենք մի բան պարզել, եւ ոչ թե մեր ուղեղը խճճել:

Այդ դեպքում արժի, չէ՞, մեկ անգամ էլ զննել մեր կայքը վերեւից-ներքեւ, ձախից-աջ եւ վերացնել ամեն տեսակի բարդ ու խճճող տարրերը:

Հարցնում եք, թե՝ ինչի՞ց սկսել: Դա կախված է Ձեր կայքից եւ ուղղվածությունից: Բայց երեւի պետք է սկսել ամենաակնառու եւ աչք ծակող ավելորդություններից: Այս հարցում Ձեզ կարող են օգնել նաեւ հենց Ձեր կայքի այցելուները:

Բայց մի բան հստակ է. Ձեր կայքի ավելորդ բարդությունները եւ «ճոխությունները» մաքրելիս միշտ հիշեք, որ պարզեցնելը զուտ հասարակացնելը չէ, այլ՝ այցելուների համար հարմարավետ դարձնելը:

Ուշադրություն դարձրեք կայքի բոլոր տարրերին՝ սկսած վեբ-ծրագրից եւ հղումներից, վերջացրած դիզայնով, նավարկումով եւ Ձեր գրելաոճով: Եվ մի մոռացեք, որ կայքն առաջին հերթին տեղեկատվություն տրամադրելու համար է, ուստի պարզեցրեք ե՛ւ Ձեր ներկայացրած տեղեկատվությունը, ե՛ւ այդ տեղեկատվության ներկայացման ձեւը:

Աղբյուրը՝ e-armenians.com

Պիտակներ. կայքէջի օպտիմալացում, կայքի կառուցվածք, վեբ դիզայն, վեբ կայք