SEO Certified

հավաստագրում

SEO Certified ծառայությունը կայքի տնօրեններին ու վեբվարպետներին հնարավորություն է տալիս տեղեկանալ եւ այցելուներին տեղեկացնել իրենց կայքերի SEO-կարգավիճակի մասին։

Սա բացառապես անվճար ծառայություն է. Ձեզնից կպահանջվի միայն գրել ինձ եւ ուղարկել Ձեր կայքի տվյալները, մինչեւ 1 շաբաթվա ընթացքում ստանալ այդ կայքի «SEO-էպիկրիզը» (SEO-գնահատականը), ըստ անհրաժեշտության՝ կատարել համապատասխան ուղղումներ, եւ, գործընթացը հաջողությամբ ավարտին հասցնելուց հետո, կայքում տեղադրել SEO-որակը խորհրդանշող բաններներից որեւէ մեկը։

Ինչե՞ս կարող է SEO Certified ծառայությունը նպաստել Ձեր կայքի առաջմղմանը

  1. Դուք կստանաք Ձեր վեբ կայքի վերաբերյալ անաչառ տվյալներ՝ ինչքանո՞վ է այն համապատասխանում գուգլի եւ մյուս հիմնական որոնող համակարգերի պահանջներին, ի՞նչ թերություններ կան, որոնց ուղղելը միայն կնպաստի կայքի առաջմղմանը եւ վարկանիշի բարձրացմանը։
  2. Ձեր եւ մեր կայքի այցելուները կտեղեկանան այն մասին, որ Ձեր կայքը ենթարկվել է անկախ փորձաքննության եւ ստացել SEO Certified հավաստագիրը։ Նման գնահատականին արժանանալը կբարձրացնի Ձեր կայքի նկատմամբ այցելուների վստահությունը եւ հարգանքը։
  3. Դուք հնարավորություն կստանաք ծանոթանալու կայքի վերաբերյալ մեր այցելուների կարծիքներին եւ մեկնաբանություններին. նման հետադարձ կապը թուլ կտա մեկ անգամ եւս տեղեկանալու եւ հասկանալու «երրորդ մարդկանց» կարծիքը Ձեր կայքի վերաբերյալ։
  4. Բավականաչափ «դիտումներ եւ կարծիքներ հավաքելով», Ձեր կայքի հղումը կարող է իր տեղը գտնել մեր ծառայությունը ներկայացնող բոլոր էջերում՝ ամենաշատ դիտված եւ ամենաթեժ կայքերի ցանկում։

Ո՞ր կայքերը կարող են ստանալ SEO Certified հավաստագիրը

Ավելացվել է 17.10.2011-ին

  1. Կայքը ներկայացված է առանձին դոմենով
  2. Կայքը հայալեզու է կամ, ծայրահեղ դեպքում, պարունակում է նաեւ հայալեզու բովանդակություն

SEO Certified որակի չափորոշիչներ

SEO Certified հավաստագիր կստանան միայն այն կայքերը, որոնք համապատասխանում են հետեւյալ պահանջներին՝

  1. Վեբ կայքի գլխավոր եւ հիմնական էջերի HTML կառուցվածը, CSS-ները եւ RSS-ները համապատասխանում են W3C ստանդարտներին.
  2. Վեբ կայքը չի պարունակում վնասաբեր վեբ-ծրագրեր եւ HTML կոդեր (hidden text, cloaking, sneaky redirects, duplicate content, “doorway” pages եւ այլն).
  3. Վեբ կայքն ունի խելամիտ եւ ուղղորդող նավիգացիոն կառուցվածք՝ հիմնական բաժինների ու ենթաբաժինների հստակ տարանջատմամբ եւ ներքին հղումների ճիշտ կազմությամբ.
  4. Վեբ կայքը կազմված է պարբերաբար թարմացվող եւ օգտակար բովանդակությամբ էջերից.
  5. Վեբ կայքի առանձին էջերը հստակ տարբերվում են միմյանցից իրենց վերնագրերով, բովանդակությամբ եւ գուգլ-հարմարեցված URL հղումներով.
  6. Վեբ կայքն արագագործ է։

Այս հիմնական 6 չափորոշիչներով առաջնորդվելուց բացի, մեր մասնագետները կտրամադրեն լրացուցիչ խորհուրդներ։

SEO Certified հավաստագիրը ստանալու 3 պարզ փուլերը

  1. Գրեք ինձ՝ նշելով. ա) կայքի վերնագիրը, բ) կայքի նկարագրությունը, գ) կայքի URL հասցեն, եւ դ) Ձեր գործող էլ. փոստի հասցեն
  2. Ըստ անհրաժեշտության, կատարեք կայքի բարելավմանն ուղղված մեր մասնագետների հրահանգները (նրանք Ձեզ հետ կկապվեն email նամակագրության միջոցով, Ձեր տրամադրած էլ. փոստի հասցեով).
  3. Տեղադրեք Ձեր կայքի գլխավոր էջում մեր SEO-հավաստագիրը խորհրդանշող բաններներից մեկնումեկը, որոնք որպես հղում ուղղված կլինեն դեպի Ձեր էջը (այս մասին դուք կստանաք լրացուցիչ հրահանգներ)։

SEO Certified ստացած կայքերը թվարկված են «Հավաստագրեր» բաժնում: