Վերջերս նկատեցի, որ գուգլ-որոնման ժամանակ այսպես կոչված «կայքի հղումները» (SiteLinks) ցուցադրվում են նորովի: Հետո «փորփրեցի» գուգլի բլոգը եւ տեսա Sitelinks-ի թարմացման վերաբերյալ վերջերս հրապարակված մի հոդված:
Սակայն այս թեմային գուցե չանդրադառնայի, եթե Sitelinks-ի թարմացումը չվերաբերվեր նաեւ այս բլոգին:
Երեկ որոշ բանալի բառեր «գուգլելու» ժամանակ նկատեցի, որ մեր բլոգը որոշ (քիչ թվով) հարցումների արդյունքում ներկայացվում է այսպիսի տեսքով:
Մինչ այդ, երբ Google Webmaster Tools-ում սեղմում էի Sitelinks հղումը, մեկ-երկու տողով մի կարճ հաղորդագրություն էի տեսնում այն մասին, որ իմ կայքը դեռ պատրաստ չէ, որպեսզի որոնման արդյունքներում ցուցադրվի SiteLinks-տեսքով:
Ու ես սպասում էի…
Այժմ, գուգլի վեբվարպետների գործիքներում նույն հղումը սեղմելիս արդեն նորացված էջ է բացվում, որը հաստատում է, որ գուգլը մեր բլոգի համար SiteLinks-ի ցուցադրումը համարել է ընդունելի:
Ահա այժմյան sitelinks-ի դրույթների էջը:
Այս վերջին պատկերի ամենաներքեւում առկա է Demote-հնարավորությունը եւ կոճակը: Եթե չեք ցանկանում, որ գուգլի ընտրած հղումներից մեկնումեկը ներկայացվի sitelinks-ում, ապա պարզապես նշում եք տվյալ հղումը (URL), եւ 90 օրվա ընթացքում այն այլեւս չի ցուցադրվում:
Իսկ դուք ի՞նչ կասեք Ձեր կայքերի եւ բլոգների համար: Կա՞ն փոփոխություններ (որոնում կատարելիս եւ Ձեր Webmaster Tools-ում):
Եթե նույնիսկ որեւէ փոփոխություն չեք նկատել, ապա հուսահատվել պետք չէ, քանի որ Sitelinks-ի թարմացումը դեռ ընթացքի մեջ է:
Աղբյուրը՝ e-armenians.com
Հեղինակի մասինՈղջույն, ես այս բլոգի հեղինակն եմ: Ուրախ կլինեմ, եթե դուք բաժանորդագրվեք բլոգի գրառումներին և ընթերցեք իմ էլ. գրքերը:
Մեր բլոգում Artur-ը գրել է 583 հոդված:
Եթե հավանեցիր այս հոդվածը, ապա միացիր մեր 306 ընթերցողներին և ստացիր անվճար էլ. ծանուցումներ
... 
{ 1 մեկնաբանություն… կարդա այն ներքևում կամ ավելացրու նորը }
MyFriends.am , armmedicine.com- այս երկուսում երկու ամիս առաջ եմ նկատել նման բան, հիմա օր օրի լինկերի անունները փոփոխվում են ինքն իրեն: