Մի քանի օր առաջ հայտնի դարձավ, որ թողարկվել է Վորդպրես բլոգ-հարթակի 3.3-ի բետա տարբերակը: Իսկ սա նշանակում է, որ մոտ ապագայում, փորձարկումից եւ հայտնաբերված թերությունները շտկելուց հետո, Վորդպրեսի ծրագրավորողները կներկայացնեն այս բլոգի նոր՝ 3.3 տարբերակը (այս պահին մատչելի ամենաթարմ տարբերակն է՝ 3.2.1):
Վորդպրեսից օգտվողներին, կարծում եմ, կհետաքրքրի նախապես տեղեկանալ, թե ինչ նոր հնարավորություններով է օժտված լինելու Վորդպրես 3.3-ը: Իսկ դրանք քիչ չեն եւ խիստ օգտակար են:
Նշեմ ամենակարեւորները:
Վորդպրես 3.3-ի կառավարման վահանակը (dashboard) լինելու է ավելի ինտերակտիվ եւ լավագույնս համապատասխանացված է լինելու բջջային սարքերին: Սա նշանակում է, որ վորդպրեսային բլոգն այսուհետեւ բջջայինով կկառավարվի ավելի հեշտ ու հարմար:
Սա նաեւ նշանակում է, որ այլեւս կարիք չի զգացվի տեղադրել վորդպրեսի մոբայլ-պլագիններից շատերը, որոնք ստեղծվել էին հենց այս բացը լրացնելու համար:
Երկրորդը մեդիա-ներբեռնման նոր հնարավորությունն է, որն այսուհետեւ նման կապահովի նմանատիպ ֆայլերի ներբեռնումը HTML 5 եւ Silverlight ապահովումներով: Սա, թերեւս, դարձյալ ուղղված է բջջային սարքերով վորդպրեսի ադմին-էջից օգտվելն ավելի հարմարավետ դարձնելուն, քանի որ վերանում է «ֆլեշից կախվածությունը»:
Թերեւս այսքանը: Եթե ոչ կարեւորներից խոսեմ, ապա պետք է նշեի նաեւ վերեւի admin-bar-ի ավելի մգեցված լինելու մասին եւ այլն… Սակայն, ճիշտ է խնայել Ձեր ժամանակը եւ պահել Ձեզ ակնկալիքներով լի՝ մինչեւ Վորդպրես 3.3-ի վերջնական տարբերակի թողարկումը:
WordPress 3.3-ի բետա տարբերակը կարող եք բեռնել եւ փորձարկել՝ հետեւելով այս հղումը:
Աղբյուրը՝ e-armenians.com
Հեղինակի մասինՈղջույն, ես այս բլոգի հեղինակն եմ: Ուրախ կլինեմ, եթե դուք բաժանորդագրվեք բլոգի գրառումներին և ընթերցեք իմ էլ. գրքերը:
Մեր բլոգում Artur-ը գրել է 583 հոդված:
Եթե հավանեցիր այս հոդվածը, ապա միացիր մեր 306 ընթերցողներին և ստացիր անվճար էլ. ծանուցումներ
... 
{ 1 մեկնաբանություն… կարդա այն ներքևում կամ ավելացրու նորը }
Երեւի թե արժի համբերել մինչեւ վերջնական ռիլիզը: