Այսօր հայտնի դարձավ, որ Մայքրոսոֆտ ընկերությունը գնել է հեռահաղորդակցման առաջնորդ Սկայպը: Skype Technologies SA-ի վաճառքի մասին լուրը հաստատվել է The Wall Street Journal-ի կողմից:
Ակնկալվում է, որ 8.5 միլարդ ԱՄՆ դոլարանոց արժեքով այս գործարքի մասին պաշտոնական հայտարարությունը կհնչի այսօր երեկոյան կամ վաղն առավոտյան: Հավանաբար, համատեղ մամլո ասուլիսով հանդես կգան մայքրոսոֆտի եւ սկայպի գործադիր տնօրենները՝ Սթիվ Բալմերը եւ Տոնի Բեյտսը:
Հետաքրքիր է, որ մայքրոսոֆտի թշնամիները հայտարարում են, որ սկայպը կհայտնվի MS-ի կողմից անհաջողության մատնված ծրագրերի շարքում, իսկ հակառակ կողմից պնդում են, որ շուտով աշխարհին կներկայացվի սկայպի նոր՝ ավելի բարձորակ տարբերակը:
Ամեն դեպքում, փորձագետները գրեթե համոզված են, որ մայքրոսոֆտը սկայպի հնարավորությունները կներդնի՝ կատարելագործելու Windows Phone 7-ը:
Խոսակցությունները՝ խոսակցություն (ինչպես այն լուրերն էին, թե սկայպի ամենահավանական գնորդը Ֆեյսբուքն է), սակայն այս իրադարձությունը կարելի է համարել այս տարվա դեռեւս ամենախոշոր նմանատիպ գործարքը (այն արդեն իսկ մայքրոսոֆտի պատմության մեջ ամենամեծ գնումն է):
Աղբյուրը. e-armenians.com
Հեղինակի մասինՈղջույն, ես այս բլոգի հեղինակն եմ: Ուրախ կլինեմ, եթե դուք բաժանորդագրվեք բլոգի գրառումներին եւ ընթերցեք իմ էլ. գիրքը:
Մեր բլոգում Artur-ը գրել է 533 հոդված:
Եթե հավանեցիր այս հոդվածը, ապա միացիր մեր 213 ընթերցողներին և ստացիր անվճար էլ. ծանուցումներ
{ 2 մեկնաբանություն… կարդա դրանք ներքեւում կամ ավելացրու քոնը }
Բայց այդպես էլ չիմացա, թե ինչքանով է skype վաճառվել?
Արամ, քո մեկնաբանությանը ծանոթանալուց հետո նոր նկատեցի, որ գինը նշել էի միայն էջի վերնագրում (էջի, ոչ թե վերնագրի):
Արդեն տեքստում ավելացրեցի՝ 8.5 միլիարդ դոլար:
Հիշեցնեմ, որ, եթե հավատանք ինտերնետի աղբյուրներին, ապա գուգլ/ֆեյսբուքը առաջարկում էին 3-4 միլիարդ: Իսկ մայքրոսոֆտը, փաստորեն, առաջարկեց համարյա կրկնակի անգամ ավելի շատ: