Ինչպես տեղեկանում ենք Nielsen-վիճակագրությունից, ԱՄՆ-ում բինգի մասնաբաժինը վեբ-որոնման շուկայում վերջին 12 ամիսների ընթացքում աճել է 51%-ով՝ նախորդ տարվա 9%-ից այս տարվա հուլիսին դառնալով 13.6%։ Հիշեցնենք, որ անցյալ տարվա հուլիսին բինգը միայն 2 ամսվա պատմություն ուներ, եւ նման մուտքը որոնող համակարգերի շուկա կարելի է գնահատել ավելի քան հաջողված։
Տեղեկացնենք նաեւ, որ դարձյալ ըստ Nielsen-ի վիճակագրության, ԱՄՆ-ում Գուգլը կայուն կերպով պահպանում է իր առաջատար դիրքերը՝ զբաղեցնելով շուկայի 64.2%-ը։
Ինչ վերաբերում է Յահուին, ապա նույն ժամանակահատվածում այս գիգանտի չափաբաժինը շուկայում նվազել է 17%-ով եւ 2010-ի հուլիսին հասել է 14.3%։ Այսպիսի զարգացումները պահպանվելու դեպքում Բինգը շատ շուտով առաջ կանցնի Յահուից եւ Գուգլի համար կդառնա թիվ 1 մրցակիցը։
Վերջում նշենք, որ ԱՄՆ-ում որոնող համակարգերի շուկայում 4-րդ տեղը զբաղեցնում է Ասք-ը՝ 2.1%, իսկ 5-րդ տեղում 1.9%-ով հանգրվանել է AOL-ը։
Աղբյուրը. e-armenians.com
Հեղինակի մասինՈղջույն, ես այս բլոգի հեղինակն եմ: Ուրախ կլինեմ, եթե դուք բաժանորդագրվեք բլոգի գրառումներին և ընթերցեք իմ էլ. գրքերը:
Մեր բլոգում Artur-ը գրել է 583 հոդված:
Եթե հավանեցիր այս հոդվածը, ապա միացիր մեր 306 ընթերցողներին և ստացիր անվճար էլ. ծանուցումներ
... 
{ 0 մեկնաբանություն… ավելացրու նորը }