Ձեր հարցերը՝ մեր ֆորումում

Ձեզանից ոմանք (հատկապես՝ բլոգի հետ վաղուց «ընկերություն անողները») հիշում են երեւի, որ շուրջ մեկ տարի առաջ բլոգին զուգահեռ բացեցի ֆորում: Այն ընդամենը մեկ ամսվա կյանք ունեցավ. ոնց բացեցի, այդպես էլ հիասթափվեցի ու փակեցի:

Սա իմ երկրորդ փորձն է: Եվ եթե այն ժամանակ «ինձնից մեծ» նպատակներ էի դրել (ու, ըստ էության. հիասթափությանս հիմնական պատճառը դա էր), այժմ իմ ակնկալիքները բավականին համեստ են: Նորաբաց ֆորումի բաժինը պարզապես լրացնելու է կայքի բովանդակությունը եւ այն ավելի շուտ ծառայելու է ձեզ հետ եւ ձեր միջեւ շփումն ավելի արդյունավետ եւ բոլորիս համար օգտակար դարձնելուն:

Եթե կուզեք, բացեմ փակագծերը:

Ես համոզված եմ, որ բլոգի ընթերցողներից շատերի մոտ ծագում են հարցեր, որոնք որեւէ կերպ չեն համապատասխանում բլոգի հոդվածներին (կամ այն հոդվածներին, որոնց նրանք հասցրել են ծանթանալ): Դուք համեստորեն լռում եք, կամ էլ ինձ դիմում նամակով: Ես պատասխանում եմ, ոչ հազվադեպ ծավալվում է նամակագրական քննարկում: Հաճախ՝ շատ հետաքրքիր եւ երկուստիք օգտակար երկխոսություն:

Սակայն, չի բացառվում, որ մեր նամակագրության թեման եւ հարցի լուծումը հետաքրքրի ոչ միայն ինձ եւ ինձ հարց ուղղող անձին: Կան հարցեր եւ պատասխաններ, որոնց մասին կցանկանայի կիսվել բոլորիդ հետ: Եվ, ինչու ոչ, Ձեզ մոտ կարող են ծագել հարցեր, որոնք ավելի լայն քննարկումների կարիք ունենան:

Ֆորումն ավելի քիչ պաշտոնական է, քան բլոգը: Ֆորումում մարդիկ ավելի ազատ եւ անկաշկանդ են շփվում: Եվ այն թույլ է տալիս մեր ազատ շփումը դարձնել բոլորին տեսանելի:

Մեր ֆորումի հղումն է՝ http://www.e-armenians.com/forum/: Հիշեք այս հղումը եւ տեղեկացրեք մյուսներին:

Մի քանի կարեւոր միտք եւս:

• Մեր ֆորումը հիմնված է վորդպրեսային Simple Press (4.4.5) պլագինի վրա: Սա, իհարկե, զիջում է հանրահայտ vBulletin-ին, սակայն բավարար հզոր եւ ճկուն է՝ ակտիվ քննարկումներ վարելու համար:
• Ես սկսեցի թարգմանել այս ֆորումը հայերեն, սակայն, տեղեկանալով, որ մինչեւ տարեվերջ պատրաստ է լինելու պլագինի լեզվային լրիվ նոր ֆայլերով համալրվաած 5-րդ տարբերակը, երեւի թե սկսածս գործը թողնեմ անավարտ՝ նույն բանը 2 անգամ չանելու համար: Իհարկե, ընթացքում կուղղվեն բոլոր թերությունները, իսկ 5-րդ տարբերակի մատչելի դառնալու դեպքում թարգմանությունը կդառնա լիարժեք:
• Որպես վորդպրեսի պլագին, Simple Press պլագինը 100%-ով ներդաշնակեցված է վորդպրեսի հետ: Բլոգի անդամները նաեւ ֆորումի անդամներ են, եւ հակառակը: Սա նշանակում է, որ մեր բլոգում գրանցված անձինք կարող են որպես ֆորումի անդամներ բացել նոր թեմաներ եւ կատարել գրառումներ: Մյուսներին կխնդրեի պարզապես գրանցվել ֆորումում կամ բլոգում:
• Ես չեմ պատրատվում հայալեզու այլ ֆորումներին մրցակից դառնալ: Մեր ֆորումը պարզապես լրացնելու է բլոգի սահմաններում բաց մնացած հարցերը կամ ավելի է խորացնելու դրանց քննարկումները: Այլ կերպ ասած, ֆորումն ունի բլոգն օժանդակող եւ մեր շփումն առավել բազմակողմանի դարձնող նշանակություն:
• Վերջում, խնդրում եմ Ձեզ ֆորումում լինել հնարավորինս ազատ, անկաշկանդ եւ, իհարկե, ակտիվ:

Աղբյուրը՝ www.e-armenians.com

Պիտակներ. կենդանի քննարկում, ֆորում

Հեղինակի մասին
Ողջույն, ես այս բլոգի հեղինակն եմ: Ուրախ կլինեմ, եթե դուք բաժանորդագրվեք բլոգի գրառումներին և ընթերցեք իմ էլ. գրքերը:
Մեր բլոգում Artur-ը գրել է 583 հոդված: