Մոզիլան կատարեց իր խոստումը, եւ, ինչպես հայտարարել էր, այսօր ինտերնետ հանրությանը ներկայացրեց FireFox բրաուզերի 4-րդ տարբերակը։ Ֆայրֆոքս-4-ը, ինչպես հավաստիացնում է Մոզիլան, նախորդ տարբերակներից առանձնանալու է իր արագագործությամբ, կայունությամբ եւ նոր հնարավորություններով։
Արժի նշել, որ վերջնական ֆայրֆոքս-4.0-ի թողարկումը ձգձգվում էր դեռեւս նախորդ տարվանից. հիշեցնենք միայն, որ բետա տարբերակը ներկայացվել էր դեռեւս 2010-ի հուլիսին։ Այսպիսի ուշացման պատճառը նոր՝ 4-րդ տարբերակը թերություններից հնարավորինս «մաքրելն» էր (մինչ օրս հայտնաբերվել եւ ուղղվել են ավելի քան 8000 «բագ»-եր)։
Ներկայիս ֆայրֆոքսը, ինչպես նշում են արտադրողները, իր արագագործությամբ նախկին տարբերակին կգերազանցի շուրջ 3-5 անգամ։
Նոր ֆայրֆոքսը թույլ է տալիս նաեւ հեշտությամբ կառավարել tab-երը (այս նոր հնարավորությունը ստացել է «Panorama Tab-Organizer» անվանումը) եւ ինտերնետում աշխատանքը դարձնել ավելի դյուրին եւ ավելի հաճելի։
Firefox Sync-ը թույլ կտա այս բրաուզերից օգտվողներին հեշտությամբ ստեղծել, պահպանել եւ սինխրոնիզացնել իրենց էջերը (bookmarks), հղումները, գաղտնաբառերը, վեբ-պատմությունը եւ վեբ-սեսիաները։
Ֆայրֆոքս-4.0-ի այլ նորամուծություններից է կատարելագործված պլագին (plug-in) կառուցվածքը, որը ներկայանանալու է որպես JetPack։
Վերջում նշենք, որ նոր ֆայրֆոքսը համապատասխանելու է HTML5 չափանիշներին։
Մայքրոսոֆտի ինտերնետ-էքսփլորերի եւ գուգլի քրոմի համար, կարծում եմ, Ֆայրֆոքս-4-ը կդառնա հետագա կատարելագործման լուրջ խթան։
Աղբյուրը. e-armenians.com
Հեղինակի մասինՈղջույն, ես այս բլոգի հեղինակն եմ: Ուրախ կլինեմ, եթե դուք բաժանորդագրվեք բլոգի գրառումներին եւ ընթերցեք իմ էլ. գիրքը:
Մեր բլոգում Artur-ը գրել է 533 հոդված:
Եթե հավանեցիր այս հոդվածը, ապա միացիր մեր 212 ընթերցողներին և ստացիր անվճար էլ. ծանուցումներ
