Ես մեկնում եմ… ֆեյսբուքյան արձակուրդի

Ողջույն հարգելիներս,

Ինչպես բոլոր նորմալ մարդիկ, ես ցանկանում եմ արձակուրդ վերցնել:

Սակայն, ինչպես բոլոր աննորմալ մարդիկ, ես կշարունակեմ բլոգը թարմ պահել եւ պահել կապն ու շփումը Ձեզ հետ:

Ավելին, օգոստոս ամսվա ընթացքում կփորձեմ ավելի շատ շփվել Ձեզ հետ:

Նկատի ունեմ, որ ամեն օր (բացի շաբաթ եւ կիրակի օրերից) ես ֆեյսբուքում օնլայն կլինեմ ժամը 22:00-ից մինչեւ կեսգիշեր: Իհարկե, ես ֆեյսբուքում մատչելի կլինեմ նաեւ օրվա այլ ժամերին, բայց նշածս 2 ժամվա ընթացքում, չնչին բառացությունով, կլինեմ 100%-ոց հասանելի:

Ձեզ կմնա միայն բացել բլոգի ֆեյսբուքյան էջը եւ շփվել:

Կուզեք՝ կարող ենք շփվել հանրորեն (գրառում-մեկնաբանություն), հակառակ դեպքում՝ մասնավոր chat-ը կա ու կա:

Հարցեր, կարծիքներ, մտահոգություններ, առաջարկություններ… ցանկացած թեմայի շուրջ կարող ենք ազատորեն շփվել: Իհարկե, նախընտրելի կլինի զրուցել կայքերի եւ վեբ-ոլորտի շուրջ:

Ոտնահետք (Image: vongvanvi / FreeDigitalPhotos.net)

Էլ ի՞նչ արձակուրդի մասին է խոսքը:

Ես պարզապես նկատի ունեմ, որ օգոստոս ամսվա ընթացքում ՀԻՄՆԱԿԱՆՈւՄ հանդես կգամ կարճ գրառումներով (օրական 1 նոր հրապարակում): Մոտավորապես այնպիսի չափսի, ինչպիսին հրապարակել էի երեկ, ներքին հղումների մասին:

Շնորհակալություն եւ ակնկալում եմ թեժ քննարկումներ ինչպես ֆեյսբուքյան էջում, այնպես էլ մեր բլոգի գրառումների ներքո:

Հ.Գ. Չի բացառվում, որ օգոստոսի ընթացքում ես ֆեյսբուք մտնեմ նաեւ իմ Նոկիայով, այնպես որ նախապես կներեք նման դեպքերում տրանսլիտով գրելու համար:

Պիտակներ. արձակուրդ, ֆեյսբուք, ֆեյսբուք էջ

Հեղինակի մասին
Ողջույն, ես այս բլոգի հեղինակն եմ: Ուրախ կլինեմ, եթե դուք բաժանորդագրվեք բլոգի գրառումներին և ընթերցեք իմ էլ. գրքերը:
Մեր բլոգում Artur-ը գրել է 583 հոդված: