Ինչպես ղեկավարել Ձեր տան համակարգիչը դրսից

Հեղինակ՝ Luka · 23-10-2011 (Թարմացվել է՝ 23-10-11)

Կարծում եմ շատերին կհետաքրքրի, թե ինչպես կարող եք ղեկավարել ձեր տան համակարգիչը՝ գտնվելով դրսում:

Ենթադրենք, դուք գնացել եք գործուղման և ձեզ անհրաժեշտ է շտապ ինչ-որ ինֆորմացիա վերցնել ձեր համակարգչից: Ի՞նչ անել նման դեպքերում: Մեկ այլ դեպքում, ձեր ընկերը զանգահարում և խնդրում է գալ իրենց տուն, քանի որ նա համակարգչի հետ ինչ-որ խնդիրներ ունի: Ինչպե՞ս օգնել ընկերոջը հենց ձեր տնից՝ չայցելելով նրանց տուն:

Նման դեպքերում մեզ օգնության է հասնում TeamViewer ծրագիրը, որն ԱՆՎՃԱՐ Է: Այն հնարավորություն է տալիս ինտերնետի միջոցով միանալ ցանկացած համակարգչի և աշխատել այդ համակարգչի վրա:

Բնականաբար, դուք չեք կարող մուտք գործել ցանկացած համակարգիչ, քանի որ TeamViewer ծրագիրը պետք է տեղադրված եւ միացված լինի երկու համակարգիչների վրա էլ:

Ես քայլ առ քայլ կնկարագրեմ, թե ինչ պետք է անել:

1. Այցելում եք հետևյալ կայքը և ներբեռնում եք այնտեղից TeamViewer ծրագիրը: Այն անվճար է:

2. Ծրագիրը տեղադրում եք այն 2 համակարգիչների վրա, որոնց միջև պետք է վիրտուալ կապ ստեղծել:

3. Տանից դուրս գալուց առաջ բացում եք ծրագիրը (վերևի երկրորդ օրինակի դեպքում՝ դա խնդրում եք անել նրան) և հիշում եք նկարում 1 և 2 կետերով նշված ID-ն և Password-ը:

temviewer

4. Ծրագիրն այդպես բաց թողնում եք և հանգիստ դուրս եք գալիս տանից (իհարկե համակարգիչը պետք է ինտերնետին միացած մնա): Եվ, եթե ցանկանում եք միանալ ձեր համակարգչին, ապա մյուս համակարգչի վրա կրկին բացում եք նույն ծրագիրը, նկարում 3 կետով նշված տեղում հավաքում եք ձեր տան համակարգչի ID-ն և եթե այն ճիշտ է հավաքված, ապա հայտնվում է Password-ի մուտքագրման պատուհանը: Եթե դա էլ եք ճիշտ մուտքագրում, ձեր համակարգչի էկրանին հայտնվում է ձեր տան համակարգչի էկրանը և դուք հանգիստ կարող եք գործ անել նրա վրա այնպես, կարծես դուք գտնվում եք տանը:

Այսքանը, հույսով եմ՝ ոչ մի բարդ բան:

Աղբյուրը՝ e-armenians.com

Պիտակներ. TeamViewer, համակարգիչ