Բավականին ամիսներ առաջ Ֆեյսբուքը պաշտոնապես հայտարարեց, որ 2012-ի հունիսի 1-ից սկսած դադարեցնելու է FBML ծրագրային ապահովումը:
Ամիսներն արագ գլորվում են, ու օրերից մի օր կգա նաև մանուկների պաշտպանության օրը՝ հունիսի 1-ը: Ու մենք, ինչպես միշտ, հունիսի 1-ից մեկ-երկու օր առաջ իրար կխառնվենք՝ մեր ֆեյսբուքյան էջերը հարմարեցնելու այս փոփոխությանը:
Ես ցանկանում եմ խախտել այս սովորույթն ու 4 ամսից քիչ ժամանակ առաջ զգուշացնել այդ մասին, նաև պատրաստել ձեզ Ֆեյսբուքի կողմից FBML-ից հրաժարվելու իրողությանը: Ի վերջո, բոլորիդ մոտ էլ հարց կծագի՝ եթե FBML-ը կասեցվեց, ապա դրա փոխարեն ի՞նչ է նախաձեռնելու մեծն Ֆեյսբուքը:
[ շարունակել կարդալ… ]
Շատերդ երևի գլխի եք ընկել, թե ինչու եմ գրում այս արտահերթ հոդվածը: Արտահերթ է, որովհետև բլոգում սովորաբար երկուշաբթի, չորեքշաբթի և ուրբաթ օրերին են նոր նյութեր ավելացվում:
Բայց ես ստիպված եմ մի կողմ թողնել իմ առօրյա գործերն ու գրել, քանի որ մեր իրականությունում հայտնվել է հերթական մոլախոտը: Եթե խնդիրը միայն այս մոլախոտը լիներ, հարցը հեշտ կլուծվեր: Խնդիրը երևույթն է, ու այդ երևույթը կրող անձի, թող անհամեստ չհնչի, պադոշության աստիճանը:
Ուստի, ես չեմ զլանա, կգրեմ, որն ինձնից կտանի մեկ-երկու ժամ: Սակայն բոլորիցդ հոգաչափ կխնդրեմ. տրամադրել մինչև 10 րոպե և զեկուցել Գուգլին այն մասին, որ ձեր նյութերը գողանում են:
Այսօր գլխիկավոր խմբագիրն է խնդիրը, վաղը կարող է դառնալ գլխիկավոր մեկ այլ մակաբույծ (պարազիտ): Ուստի, որպես հակաճիճվային միջոց, առաջարկում եմ ծանոթանալ Գուգլին զեկուցելու այս պարզ, բայց կարևոր հնարավորության մասին:
Կրկին և նորից. եթե ձեր հեղինակային իրավունքները հարգում եք, տրամադրեք մի 10 րոպե՝ այս նյութին ծանոթանալու, ու ևս 10 րոպե՝ Գուգլին զեկուցելու համար:
Նյութը դյուրին դարձնելու համար այն կշարադրեմ որպես հարց ու պատասխան:
[ շարունակել կարդալ… ]
Այսօրվա վեբ կայքն անհնար է պատկերացնել առանց սոցիալական տարածման կոճակների: Որքան էլ դրանք (հատկապես՝ ֆեյսբուքի կոդերը) ծանրացնում են կայքի էջերը կամ կոնֆլիկտ ստեղծում այլ ջավաների հետ, միևնույն է. այսօր սոց. կոճակները պարտադիր են:
Մենք գրում ենք մարդկանց համար ու պետք է չմոռանալ, որ մեր ստեղծած նյութերն ընթերցողներին հասնում են նաև սոցիալական ցանցերի շնորհիվ:
Իմ պարագայում, 2011-ի դեկտեմբերին բլոգն այցելել է ավելի քան 13 հազար մարդ: Ֆեյսբուքի մասնաբաժինը կազմել է 5.2%, թվիթերինը՝ 1.3%, գուգլ-պլյուսինը՝ 1.0% և օդնոկլասնիկի ցանցինը՝ 0.5%: Այս չորս ցանցերը միասին անցյալ ամիս ապահովել են բլոգի այցելուների գրեթե 8 տոկոսը:
Ձեր դեպքում սոց. ցանցերը գուցե ավելի օգտակար են ու ապահովում են ավելի մեծ տրաֆիկ: Ամեն ինչ կախված է վերաբերմունքից (ինքս իմ տեսակետը հստակ ներկայացրել եմ իմ առաջին «Բարձր տրաֆիկ. Կոտրում ենք բոլոր միֆերը» էլ. գրքում: Սակայն, ինչպիսի մոտեցում էլ դրսևորեք, կան միֆեր կամ հեքիաթներ, որոնց պետք չէ հավատալ, ու, առավել ևս, չարժի դրանք դարձնել «օրվա խնդիր»:
Ես կպատմեմ այդ միֆերից (ըստ իս) ամենավտանգավորի մասին: Պետք է որ հետաքրքրի:
[ շարունակել կարդալ… ]
Լինում է չի լինում, յոթը փողոց այն կողմ BlogNews.ամ անունով մի նոր քոփիփեյսթեր-կայք է ստեղծվում: Ծլում է ու փորձում աճել՝ մեծամեծ նպատակներով լի, բայց՝ ուրիշների հաշվին: Բայց չի զլանում նաև իր բոլոր էջերի ներքևում ավելացնել այսպիսի մի տող:
Կայքի հոդվածների մասնակի կամ ամբողջական հեռուստառադիոընթերցումն առանց XXX-ին հղման արգելվում է:
Հարց է առաջանում՝ կայքի հոդվածների՞, թե՞ այլ կայքերից առանց այդ կայքերի տերերի իմացության արտագրված հոդվածների:
Եվ երկրորդ հարցն է ծագում. եթե ես չեմ սեղմել այդ կայքի «Գրանցիր քո կայքը» հղումը ու չեմ գրանցել իմ բլոգը, էդ ինչի՞ց վերցրեցին, թե ես տենչում եմ, որպեսզի այս բլոգի հոդվածները արտագրվի իրենց մոտ:
Գոնե բարի լինեին, բացեին կայքից օգտվելու պայմանները ու կարդային այս տողերը՝
e-Armenians.com կայքում (այսուհետև՝ Կայք) տեղադրված նյութերը հանդիսանում են բացառապես e-Armenians.com կայքի տնօրենի սեփականությունը և չեն կարող արտատպվել և տարածվել, առավել ևս օգտագործվել եկամուտ հետապնդելու նպատակներով՝ առանց նրա համաձայնության
Չէ, բարձր նպատակներով տոգորված մարդիկ նման «չնչին» բաների վրա ծախսելու ժամանակ չեն ունենում:
Մի խոսքով: Ես BlogNews.ամ կայքի գլխավոր խմբագրից կոնկրետ պահանջել եմ, որ իրենց մոտից հեռացնեն այս բլոգի նյութերը: Կամ թող ինքը անի, կամ էլ հանձնարարի իր տեղակալներից մեկնումեկին:
Հ.Գ. Ձեզ գուցե հետաքրքրի նաև Արխանգելոյի ու Գրեգ Թամազյանի կարծիքները:
Հատուկ Բլոգնյուզ.ամ-ի համար. Ես թույլատրում եմ տանել այս հոդվածը ու տարածել ձեր կայքի միջոցով:
Աղբյուրը՝ e-armenians.com
Մի քանի օր առաջ HiMan-ը ներկայացրեց իր հեղինակային հոդվածը այցելուներին գրավելու 5 մեթոդների մասին: Եթե այս նույն հարցին նայենք ավելի «վերևից», ապա պարզ է դառնում, որ խոսքը կայքի հեղինակության ու մարդկանց վստահությունը գրավելու մասին է: Ու, եթե կարողացար ապացուցել, որ դու «արժանի ես», քո այցելուները կդառնան քո կայուն ընթերցողները:
Ահա այս տեսանկյունից էլ այսօր կանդրադառնամ կայքի հեղինակության ու մարդկանց վստահությունը շահելու հարցերին: Անկախ այն հանգամանքից, թե ձեր կայքն անձնակայն բլոգ է, թե օնլայն խանութ, համոզված եմ, որ հոդվածը կհետաքրքրի բոլորին:
Սակայն, մինչև վստահության ու հեղինակության հարցերին անցելը, եկեք նախ հասկանանք իրականությունը (թող անհամաստ չհնչի՝ շատերի համար «դառը» իրականությունը):
[ շարունակել կարդալ… ]
